حبها من غير مايشوفها ولما شافها؟؟؟

قصة شاب وسيم عمره بين 22 و23 ما يعرف عن الحب شي

ولا مره بحياته حاول انه يعرف شي عن الحب

له طله مقبلوه واللي يشوفه على طول يحبه

سافر والله وفقه بوظيفة بس بعيد عن منطقة أهله اللي ساكن فيها والمكان اللي توظف
فيه يمشي الحال بس زيارات البنات علي المكان هذا كثيرة

وبيوم جت وحده ودخلت المكان هذا وشافت الولد هذا فأعجبت فيه و أخذت رقم المحل
لأنه موجود على اللوحة برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي ولا قدرت تأخذ وتعطي معه

وصار كل يوم الساعة 11 المساء تتصل عليه على شان تتعرف أكثر عليه

وتتكلم معاه وهو ما يعرف شنو يقول بس يسمع ويقول إيه

ولا طالت الأيام على الطريقة هذي تشجع مره وسألها أنتي شنو الهدف من مكالماتج هذي ولوين تبين توصلين اهي جاوبت على طول لأنها منتظره السؤال هذا قالت أبي أوصل لقلبك

قال : انزين آنا ما اعرف شي عن الحب ولا حتى اعرف أتكلم فيه ولا افهم لغته

قالت :أنا بعلمك على أيديني وأخليك فيلسوف حب

المهم طالت المحادثة وجت أيام وراحت أيام وعلى الطريقة هذي وهي تعلم فيه وهو يستوعب بسرعة لين خلاص حب الولد من كل قلبه لدرجه انه صار ما يقدر ينام الليل من كثر التفكير فيها وكل أصدقاءه صاروا يحسون انه متغير ولا يأكل وضعف وصار يفكر واجد ويسرح واجد وأحيان يغلط باسمها وينادي ربعه وهم ما يبون يسألونه منو الاسم هذا لان من شكله مبين انه حب وخلاص أعلى مراحل الحب وصل

دارت الأيام ومرت سنه على الطريقة هذي ، واتصل عليها بيوم وكان مزعوج قال لها :أنتي شفتيني وشفتي شكلي وعرفتي أسلوبي وصار لنا سنه الحين ولا شفتج ولا حتى شفت صورتج قالت له :انتظر شوي لين يضبط وضعي وأخليك تشوفني

قال : لا ..لا.. لازم أشوفك وما راح اسكر لين توعديني متى ؟

قالت : انزين الخميس الجاي راح نطلع للمكان الفلاني نتقابل هناك والكلام هذا كان يوم السبت

تخيلوا الانتظار كيف راح يكون من يوم السبت لين الخميس صعب لحظات عمره كان مقضي يومه كله نوم على شان بسرعة الأيام تمشي

وصل يوم الأربعاء وبدا يفكر :
كيف راح يكون شكلها طويلة قصيرة بيضا سمره نحيفه دبدوبه حلوه مثل ما هو راسمها بخياله ؟

كان يفكر بكل شي

واتصلت عليه يوم الخميس قالت له : يالله طالعين وسيارتنا كذا شكلها ولونها كذا ورقم اللوحة كذا

قال : تمام .. اسمعي آنا كل الطريق مقدر اصبر أبيك كل دقيقتين تجيكين على تلفوني على شان أحس انج معاي موجودة وادري انج ما تقدرين تكلمين لأن اهلج معاج صعبه بس اقل شي كل دقيقتين جيكي

قالت :اوكي

تحركت السيارة وهو حرك بعدها على طول وكل دقيقتين تدق عليه
لين قامت مادق بعد عشر دقايق

ما قدر يصبر أرسل رسالة ولا ردت عليه تردد بالاتصال تردد و تردد كثير ما يدري يتصل آو يخاف يحرجها مع ا هلها

المهم قرر ويوم دق على تلفونها مر من جنبه سيارة إسعاف متجهة بنفس الطريق اللي هو يمشي فيه من كثر ما هو مخبوص نزل التلفون جنبه أسرع ورا السيارة وخلى التلفون يدق ( معاودة الاتصال آليا ) المهم وصل شاف حادث اكثر من رعب منظره مافيه
عائله كاملة يمين الخط منتثرة فيها أربع بنات وشايب وحده عجوز كلهم حالتهم وإشكالهم ميئوس منها بشكل خيالي

السيارة هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ما وصفت له حتى شكلها نزل مع اللي نزلوا يشوف بقايا حلمه وبقايا أمله صار يناظر يمين يسار ولو يشوفها ما راح يعرفها

سمع صوت تلفون يرن حاول يتبع الصوت لقى وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله

شاف اسم المتصل بجوالها لقى مكتوب !!!!! ( أمل عمري) قال : يمكن هذي وحده من صديقات البنت هذي لكن بدون شعور رفع الجوال وناظر للاسم اللي هـــــو ( أمل عمري ) وفتح الرقم وكانت الصدمة انه شاف الرقم حقه لان الجوال لقاه مع وحده كان الجمال ما أنخلق لغيرها بس للآسف فارقت الحياة

وانقلبت اسعد لحظات عمره بثواني إلى أتعس أيام العمر

الرقم لقاه رقمه ولقا اسمه مكتوب ) أمل عمري ) صدمة خلته ينهار ويغمى عليه وانقلوه
معاها للمستشفى هي انتقلت إلى رحمة الله بس هو عاش آو اقصد ما عاشت الضحكة بعدها يوم

وترك الوظيفة وتعقد من عيشته وصار يكره نغمة التلفون ولا يتكلم ابدا غير إذا كان مجبور انه يسولف ويكره أي واحد يجيب أبجدية كلمة حب عنده

سافر عن المنطقة اللي كان موظف فيها وتعرف على آمل عمره اللي أنتها فيها واخذ عهد على نفسه انه مايجي المنطقة هذي آلا بنفس اليوم اللي توفى فيه حلمه وصار كل سنه بنفس اليوم يسافر للمنطقة ويمر نفس المكان ويقعد فيه ساعة ويرجع لمنطقته.....

يااااااااااااه الحب يعمل فيه كده
الحب يعمل فيه كده

كان أحسنله إنه ميحبش

شكرا رنوش على القصة الحزييييييييينة ده

العفو اى خدعة يا براءة وميرسي جدا على المرور الجمييييييل دة